ဝေလီဝေလင်း အာရုံမတက်ခင်
ဆောင်နှင်းဖြူဖုံးထားရေ ကွင်းတဘက်က
လှုပ်ရှားနိန် စိကေမှိန်မှိန်ချေပုံရိပ်တခု…။
ချမ်းအီးမှုတိကို အန်တုပနာ
စွတ်စွတ်စိုနိန်ရေ နှင်းတောမြက်ခင်းထဲမှာ
တယောက်စာလမ်း ကျကျိုင်းချေထဲ
ချွှေးပြန်နိန်ရေ တမိသားစုစာ ၀န်တထမ်းနန့်
ခရီးဆက်နိန်ရေ လူသားတယောက်…။
လယ်ကွင်းတိကိုဖြတ် ၊ တောင်ကုန်းတိကိုကျော်ရင်း
နောက်ဆုံးတခါ ကွင်းပြင်တခုကိုဖြတ်လာနိန်ရေ
အဟြှိဘက်တောင်ကုန်းထိပ်က ထွက်စပြုနီရောင်အောက်မှာ
လျှောက်လှမ်းနိန်ရေ အားမာန်အပြည့်နန့်…။
ဆောင်းနှင်းပွင့်တိကြွီနိန်ရေ နီရောင်ခြည်အကျမှာ
လင်းထိန်စပြုလာရေ အလင်းရောင်ချေနန့်အတူ
ဇရွက်အော်သံ ၊ ခြိုးကူသံတိနန့် လှပနိန်ရေ
မိုးထစောစော သဘာဝကို ထပ်ဆင့်ခြယ်သနိန်ရေ
ဆောင်းတွင်းမိုးသောက်ဖက်ကုန်သည်တယောက်…။
SATOE 24072009
Subscribe to:
Post Comments (Atom)
No comments:
Post a Comment