Saturday, October 10, 2009

ဝါကျွတ်လနန့်ဆောင်းအ၀င်

ဆောင်းလီချေတသင်းသင်း
သျှူယင်းငေးမောလယ်ပြင်တခွင်
စိမ်းရင့်ရောင်ဟွေနားတကွက်
ရွှေဝါရောင်အေနားတစွက်
ရိက္ခာစပါးနန့်ကွင်းပြင်ကိုအလှဆင်…။

မိုးသား၏နှုတ်ဆက်သံတညံညံ
ဂြုန်းဂြုန်းဂြိန်းဂြိန်းအာကာတခွင်
မိုးရိပ်တိညိုမဲပေါ်လာခိုက်
တိုက်လီနန့်လွင့်ပါပျောက်လားလိုက်
မိုးနှောင်း၏ပုံရိပ်အဖွဲ့အနွဲ့ပင်…။

ရာသီပေါ်သီးနှံတိရောင်းချသံ
ရွာရိုးတလျှောက်ဆူဆူညံ
ဈီးကွက်ရှာသီးနှံများ
ရပ္ကြက္စ်ီးထဲကိုအေရာက္လား
လတ်ဆတ်ဗြီးရောင်းပန်းလှသီးနှံအစုံ
မြို့ဈီးတန်းမှာရောင်းမကုန်…။

ဟွေရွာအေရပ်ကွက်မှဖိတ်စာများ
လက်ခံလို့မကုန် ပုံလို့ထား
အမျိုးစုံရေအလှူပွဲ
ဝါကျွှတ်လအဗြီးဆင်ယင်နွှဲ
အားတင်းနိန်ခ၀ါတွင်းက ပျိုကြီးတစုံ
လက်ချင်းဆက်လို့ တွိဆုံပွဲကြုံ…။

လေးစားစွာဖြင့်
SATOE 04102009

မာယာကမ်းထောင်း

ခ၀ါဝါချေ အရောင်တိနောင့်
ဝေဒနာပျောက်လီခအောင်လို့
မော့ချပလိုက်ကေ ရီတခွက်နန့်အတူပါလခတေ
ပုံစံမတူအာနိသင်ကွဲရေ ကုစားဖို့ဆီးပြားချေတိ…။
နက်ဖန်ခါအတွက်အေနိန့်ညအားဖြည့်ရဖို့သိမ့်
ခရီးကလူကိုအားမနာ ညောင်းညာနိန်စော်လူမသိ
ဟန်ဆောင်မှုမာယာတိပြည့်နိန်ရေ
နက်ဖြန်ခါတွိဆုံပွဲအတွက်…။
ဖြောင့်နိန်ရေ မျဉ်းကြောင်းထက်
အမဲရောင်အစက်ပြောက်တိနန့်
နိမ့်လိုက်မြင့်လိုက်လှိုင်းသာသာ
လောကထဲကမပီမပြင်နန့် စာတမျက်နှာ…။
ခိုင်မာရေထင်ခတေ ယုံကြည်ချက်တိလည်း
မူမမှန်ရေ ဟန်ဆော်မှုတိနန့်လွန်ဆွဲရေခါ
တင်းထားခရေ မာနတုချေတိလည်း
လွင့်လခရေ အ၀ီးတနိန်ရာ…။
အေစော်ပင်အမှန်တရား
ပြောဖို့မလိုကေလည်း နားမလည်ရေပိုင်
ခညစ်ညစ်နန့် ဆွဲသတ်နိန်ကပ်တေ
ကြားမှာညပ်နိန်ရစော်ကတော့အခါခါ…။
မာယာတိနန့် ချိုမြိန်မှုကိုဖန်းဆင်း
လမ်းလားယင်း ခလုပ်တိုက်အောင်
ဘေးလူက ခြီဂလန့်ထိုး
မြောင်းထဲထိုးမကျအောင်တော့ ဂရုစိုက်နိန်ရစော်ပင်…။


(စိတ်အနှောင့်အယှက်ကင်းကင်းနန့်ဖတ်နိုင်ပါစီ… :-)
လေးစားစွာဖြင့်
SATOE(အဆင်မပြေနိရက်များအမှတ်တရ)

ဆောင်းရိပ်နန့်စပ်မိစပ်ရာ

ဆောင်းလီကမြူးတူးတူး
လရောင်မိုးမခန့်အောက်က
လွင့်မျောနိန် တိမ်စိုင်တိမ်ခဲများ
ဟွေမှအေသို့ရွိလျားကစပ်နိန်ကပ်
ဖော်ကိုဆွီးလွမ်းငေးနိန်ရေပိုင်
တိတ်ဆိတ်ငြိမ်သက်နိန်ရေမြစ်ဆိပ်ကမ်း
စီးဆင်းနိန်သောရီစီးကြောင်းသွင်ပြင်
ဖြားရီအတက်အကျကိုလိုက်ရီတွက်
အပိုမဟိရေစားနပ်ရိက္ခာဝီစု
ဆောက်လုပ်မှုနည်းပညာနန့်ဖောင်တော်
ခေါက်တုန့်ပြန် နဲ့အတက်အဆင်းခရီးသည်
တက်ခတ်သံနှင့် သင်္ဘေဥသြသံရောထွီးလားရခြင်း
လောင်စာဖြည့်စက်ရုံမှ ကာဗွန်ဒိုင်အောက်ဆိုက်ထုတ်လွှတ်ယင်းလုပ်ငန်းစတင်
ခုတ်မောင်းလားခရေသင်္ဘောတစီး
တဖြတ်ဖြတ်နန့်မီးပြတိုက်ဘေးနားဖြတ်အလား
ဟွေခြုံအေတောကငှက်များထပျံလား
စည်ကားစပြုဆိပ်ကမ်းကအပြန်
လောင်းတစ်စီးချောင်းထဲလှမ်းဝင်ယင်း
အုန်းခင်းကငှက်ပျင်းတစ်ကောင်အတွက်ဇိမ်ချေပျက်
လုပ်ငန်းစရန် ကွန်သမားချေတာစူကေပင်
ဖြာကျလခရေကွန်ချက်တိအောက်
ပုဇွန်ပြောက်နှင့်ငါးများအလုပ်ရှုပ်လားရခြင်း
တိတ်ဆိတ်မှုပြိုကွဲစပြုနိန်ချိန်
အရှိအရပ်မှလင်းရောင်နီဖြာလင်း
ပျံသန်းလားခရေငှက်ချေတစ်အုပ်ကမိုးသောက်တေးကိုသီ
ချမ်းအီးသော နှင်းမြူတိနန့်ဆောင်းဒဏ်ကို
အံတုနိန်ရေ မီးဖိုဘေးက အဘိုးနန့်အဘောင်…။

လေးစားစွာဖြင့်
SATOE 26092009

တောင်တက်ညီအကို…

အဝေညီကို………..
မင်းနန့်ငါကည်ီအကို
မင်းကညာလက်သန်ရေ
မတ်ကဘယ်လက်သန်ရေ
ငြင်းမနီပါကေ့ဖိတချက် ငါရို့တတူလုပ်မှအလုပ်ပြီးဖို့ဒေ…။

ညာသန်ရေလက်က အားကောင်းရေပိုင်
ဘယ်သန်ရေလက်က တအားသွက်ရေ
ကိုယ်သန်ရေဖက်လက်နန့် လုပ်ကပ်မေ
ဘယ်သန်လူရို့အားသာချက်ကိုအသိအမှတ်ပြုယင်း
ညာလက်နန့်ထမင်းစားဖို့မငြင်းပါကေ့တချက်…။

မတူညီရေအချက်တိနန့် တတူလုပ်ယင်း
ခရီးဆက်ကပ်မေ လူတယောက်အားနန့်
ခရီးမပေါက်နိုင်ရေနိန်ရာကို ရှိကအဖြစ်အပျက်တိနန့်
စိတ်ပျက်ပနာရပ်ကြည့်မနိန်ပါကေ့
လာတတူလားကြည့်ကပ်မေ...။

တခါတရံမှာဗျူဟာမမြောက်ရေ
သဘောတရားတိကခွန်အားဟိနိန်စော်ပင်
ယေဒါလည်းလမ်းညွန်မြေပုံချေတခုတော့လိုလိမ့်မေ
အားကိုးမဟိခင် လမ်းအရင်ထွှင်ကပ်မေ
လမ်းဟောင်းလမ်းကြောင်းကိုရှာမတွိကေ လမ်းသစ်ဖောက်…။

လမ်းကြောင်းရှာယင်း သက်လုံအားလည်းကောင်းစီ
ဝေဖန်မှုဟိမှတိုးတက်ရေ တောင်တက်ခရီး
လူတချို့အမိန်း(မီး)ကြောင့် အားမလျှော့လိုက်ပါကေ့
တယောက်ချေနောက်ပြန်လှည့်ကေ တအားစီဆုတ်လခရေ
အခြီအနီကြောင့်ဖြစ်ကေတောင် ပုံရိပ်ချေတခုကိုမရုပ်သိမ်းလိုက်ပါကေ့
တခြားလူတိအားလျော့အားကြီးလို့ပါ…။

ရပ်တည်မှုတခုအတွက် ဘယ်နန့်ညာက
လူ့ခန္ဓာတစ်ခုတည်းမှာဟိနိန်စော်ပင်
လမ်းကြောင်းရှာရင်းတောင်တက်ရေခရီးမှာ
အမှားပျင်လို့အမှန်ဆင်လားကပ်မေ
ဘယ်နန့်ညာကညီအကိုပင်…။

လေးစားစွာဖြင့်
SATOE 20092009

အတွီးနန့်စိတ်ကူး

စိတ်ကူးနန့်ပုံရိပ်ကိုမျှော်ယင်း
ဆုတ်ကိုင်မပြနိုင်ရေ
ထူးခြားမှုအာရုံတိနန့်
ကမ္ဘာဦးကစပနာ
လူသားရို့၏လက်ဆင့်ကမ်းမှု…။

အတွီးအခေါ်သမားတိက
လူမှုလောကကိုအလှဆင်ဖို့
သူရို့ယုံကြည်ချက်တိကို
လမ်းညွှန်ပြသယင်း
ဘ၀ကိုဖြတ်သန်းလားကပ်တေ…။

ရုတ်ဝတ္ထုတိရွိလျားမှုနန့်
ဆက်စပ်နိန်ရေလောကထဲဟိ
သဘောတရားတိကိုလေ့လာယင်း
တီထွင်သျှင်တိက
လူမှုလောကကိုတိုးတက်စီခကပ်တေ…။

ကိုယ်ကျိုးစွန့်အနစ်နာခံသူရို့
ထုဆစ်ခကပ်တေ သမိုင်းကြောင်းက
လူမှုလောကတနိန်ရာမှာ
ဝင်းထိန်လျက်သမိုင်းစာမျက်နှာထက်
လင်းလတ်နိန်ကြယ်စင်တိအလား…။

လူမှုလောက၏လျှို့ဝှက်မှုအလှတရားကို
စာပီရပ်ဝန်းက နှိုးဆွ၊ဖော်ပြယင်း
အလှနန့်ရသကိုလည်းဖွဲ့နွဲ့ပြ
ခေတ်တခေတ်၏ကြေးမုံပြင်အလား
တင်စားရလောက်တေဂုဏ်အင်အပြည့်…။

နိန့်စဉ်နန့်အမျှဖြစ်ပျက်မှုတိက
ကမ္ဘာကိုရွာအဖြစ်ပြောင်းလည်းပနာ
လျှင်မြန်ရေသတင်းမီဒီယာတိအောက်မှာ
တနိန်ရာစာချေအတွက် အတွီးနန့်စိတ်ကူးမိ…။

လေးစားစွာဖြင့်
SATOE 19092009

ကမ်းခြီတနိန်ရာ…

ရိုးမ၏စိမ်းလမ်းမှုတိက
ဘ၀ကိုရင်ဆိုင်ဖို့ခွန်အားကိုဖန်တီး
နွီဦး၏ဥသြသံက
ဘ၀င်ကိုချမ်းမြေ့စီချင့်…။

ပြာရီရီပင်လယ်ပြင်က
လန်းဆန်းလတ်ဆတ်ရေ
လျှူမ၀လီပြီတိနန့်
တနားချေအညောင်းအညာပြေလမ်းလျှောက်ယင်း…။

ဇင်ယော်တိက ရုန်းကန်ပျံသန်းပနာ
တ၀မ်းတခါးစာ ရှာဖွီယင်း
နီဝင်ဆည်းဆာ အလှကိုတံဆာဆင်
သဘာဝအလှမြင်ကွင်းချေတခုပင်…။

ကမ်းခြီကိုလှမ်းလာနိန်
ခမှိန်မှိန်ချေ ရွိလျားမှုတခု
ရိနွမ်းမှုတိနန့်တိနန့်အတူ
တနိန့်စာလုပ်ငန်းခွင်ကအပြန်
ပင်လယ်ပျော်ပိုက်သမားဘ၀…။

လေးစားစွာဖြင့်
SATOE 17092009

“ လမ်းခရီးတခု…”

ရောက်ချင်ရေ ဆန္ဒ တခုနောင့်
အမှောင်မကင်းသိမ့်ရေ မိုးသောက်အာရုံမှာ
စမ်းတ၀ါးဝါးနောင့် ခရီးသယ်ပိုင်
လျှောက်လှမ်းနိန်မိရေ…။

မြို့အစကခဲဝါအူသံ ၊ ရပ်ကွက်ထဲကခွီးဟောင်သံ
ရွာလည်ဂေါင်က ကြက်တွန်သံ ၊ တောင်ထက်ကချီဟောက်သံ
ပင်လယ်ကမ်းစပ်က လှိုင်းရိုက်သံ
မြစ်ထဲက စက်လှီ၊သင်္ဘော သံ တိနောင့်
မကြာမကြာပျံလားခရေ အာကာထက်က လီယဉ်ပျံသံကိုပါကြားနိန်ရရေ…။

လမ်းခရီးက တောအလွန် မြို့မရောက်ခင်
စပ်ဂြီစပ်ဂြားမှာ………………………………။
အေနိန်ရာအေ ဒေသ လမ်းဟိမှန်းလည်းသိခယင့်
လျှောက်နိန်မကျလို့………………………….
ခလုက်တိုက်မိခစော် အခါခါ ။

လယ်ကွင်းထဲကနွားခြီရာ နန့် မြို့ဝင်ဝက ကတ်တရာပေါက်…
အေနှစ်ခုကို သျှောင်တတ်ကေ…
ခလုပ်တိုက်စကေ သက်သာရေ …။

သံဂွေတပ် ဂါရီတစီးမောင်းလားကေ
လယ်စွက်ထဲမှာ နွားခြီရာနန့်လှည်းဘီးရာကျန်ရေပိုင်
ကတ်တရာလမ်းလည်းပေါက်နိ်ုင်ရေ…။
အေပိုင်ပင်လမ်းခရီးတခု….။

SATOE 05082009

ကြယ်ပျံရေည

အာရုံဦးအလင်းသစ်မှာလျှောက်လှမ်းယင်း
ရောက်မှန်းမသိနန့် ပေါက်နိန်ခရေခရီး
ရင်ထဲတနိန်ရာ ကအလိုက်ကန်းမသိ
ဆန္ဒ၏နှိုးဆွမှုနန့် အိမ်ပြန်ချိန်…။

မှော်ဝင်တောဆန်ဆန်
ဂန္တ၀င်မြောက် ခန်းနားမှုတိနန့်
မဟူရာည အမှောင်ကာလထဲမှာ
သဘာဝအလင်းရောင်သျှေ
လမင်းတစ်စင်းကိုယာမျှော်လင့်မိ…။

အလင်းမဟိနိန့်ရက်တိထဲမှာ
ကြယ်တံခွန်ကို ဆွတ်ပီးဖို့
အပြောချေသုံးပနာ နှစ်သိမ့်စကားမဆိုမိခ
ရောင့်ရဲမှု တိနန့် ပြုစုပနာ
အလှတရားနန့် ဆင်ယင်မှုဆက်စပ်ချင်မိခ…။

လင်းလက်နိန် ကြယ်စင်တိလည်း
အဖော်ပြုမှုကို လှောင်ရီနိန်ရေအလား
ကြယ်ပျံတိကို ကြည့်မိယင်းက
လွတ်လပ်ခြင်းနန့် ကျဆုံးခြင်းကြားမှာ
ခေါင်းစိုင်တပ်မရလို့ ချမိခရေဘ၀င်ချေတချက်…။

SATOE 11092009

လွန်ဆွဲခြင်းရသ…

တဖျင်းဖျင်းနန့် ခုံနိန်ရေဦးနှောက်ထဲက
သွီးလွှတ်ကြောနန့်ခံစားမှုတိလည်း
ခေါင်းစိုင်တပ်မရတေ စိုင်းစားခန်းးတိနန့်
အေပိုင်မဟုတ် ထိုပိုင်၊ ယင်းပိုင်မဟုတ်ကေ
ဘဇောင်ပိုင်လေးဝေ သူငယ်ချင်း
လမ်းကြောင်းတိ မပျောက်အောင်လို့
ယုံကြည်ချက်တခုကို အဖော်ပြုယင်း
နိနန့်ညကြားမှာ ကြိုးစားနိန်ရခြင်း …။

ဟိုစပ်စပ်ဒေစပ်စပ် ဖတ်မိခရေစာတိလည်း
အိမ်မက်နန့်စိတ်ကူးရောထွီးပနာ အလင်းစတိပျောက်သျှ
ပလပွီမှာသင်သျှီလိုက်ရေပိုင် ခံစားမှုတိကဗရပွ
ပူလောင်မှုတိကိုခံစားရမှ အေးမြခြင်းကိုတောင့်တ
သက်ဟိဘ၀တိထဲက လောဘအကြီးဆုံးလူသားဘ၀
အေနိန့်ညစာဖက်နီဝင်ကေ နက်ဖန်ခါမိုးထနီပြန်ထွက်
ရာသီအလိုက်တခါတရံ နိန့်ခင်းဖက်လည်းအမှောင်ကျ
လူ့ဘ၀ရာသီကို မှန်းဆလို့ မရနိုင်…။

အသိတရားအတိုင်း လိုက်နာနိုင်အောင်လို့
အပိုစရိုက်တိကို လျှော့ချဖို့ကြိုးစားတိုင်း
အဂုလျှောက်နိန်ရေ လမ်းကလည်းခံစားမှုတိမှမကင်းဟာ
အလုပ်နန့်အပြော အပါးချေကျနိုင်အောင်လို့
အခါအခါ ကျင့်ကြံကြည့်ပြန်ကေလည်း
အခေါက်တိုင်း လျှော်လဲသတ်ယင်း
အပြောကဆရာ ဖြစ်လခစော်ပင်…။

တွိဆုံမိခရေယုံကြည်မှုမျှော်လင့်ချက်တိလည်း
လမ်းပြယင်းအနားရောက်မှ ကိုယ်ရောင်ဖျောက်
ဖြည့်ဆည်းမှုတိကို တခုဗြီးတခုကောက်ထည့်ယင်း
တောင်တက်နိန်ရခြင်းကို မက်မောနိန်မိစော်အမှန်
လမ်းစိုင်ကိုကျော်ချလို့မရကေ တောင်အောက်ဆင်းယင်း
ဂျိုင့်ထဲကိုလည်းခရီးနှင်ဖို့ကျခရေ
အနာမခံဘဲနန့် အသာမစံရ ဆိုထားဟိခစော်ပင်…။

အရာရာကိုရင်ဆိုင်ဖို့ ဗလငါးတန်ကိုဖြည့်
ရင်ထဲမှာတည်ဟိရေ ကိုယ်ပိုင်အယူအဆတိနန့်
ကစပ်န်ိန်ကျလောကထဲက မာယာတိုက်ပွဲတိမှာ
သူရဲကောင်းတိကို အဖော်ပြုလို့ခရီးဆက်
လမ်းတ၀က်ကတော့ လှည့်ကြည့်ဖို့စိတ်မကူးကေ့
ခရီးရောက်ဖို့ ဆက်လို့ရာလျှောက်…။

လေးစားစွာဖြင့်
SATOE 06092009

ပုံရိပ်နောက်လိုက်…

မဟာဆန်ဆန် အပြုံးတပွင့်
ပီပြင်မှုမဟိရေဆွဲချက်တိနန့်
မှော်ဆင်ဆင်ယိမ်းနွဲ့ယင်း
ပြောပြရခက်လိုက်တေပင်…။

လှုပ်ရှားမှုတိုင်းမှာ
မာယာမရောရေ ပင်ကိုညင်သာမှုနန့်
ကဗျာဆန်ဆန် ပုံရိပ်ကိုဆင်ယင်ထုံးဖွဲ့ယင်း
ဆွဲအားကောင်းလိုက်တေပင်…။

ညှို့အားပြင်းတောင်ပန်ခတ်မှုနန့်
ဝိုင်းစက်စူးရှနိန် မျက်ဝန်းတစုံ
လျှို့ဝှက်မှုတိနန့် အလင်းပိုင်ရှင်
တချက်အဝေ့ ငေးမောယင်း
ရွိလိုက်တိုင်းတွိမိချင်လိုက်တေပင်…။

အသွင်မှာ တမူထူးမို့
အပိုဆုထူး မာနမမူးခင်
တင့်တယ်ညင်သာ ကလျာသို့နှယ်
စိတ်အာရုံမှာဝင်ပနာခစားနိန်ရေ
ထူးခြားမှု ပုံရိပ်ချေတခု…။

လေးစားစွာဖြင့်
SATOE 04092009

“ဆောင်းလီနန့် ညှို့အား ”

ရွှန်းလဲ့ညှို့အားများနန့်ဖမ်းယူ
ပြုစားမှုလောင်းရိပ်ထဲကလူအဖြစ်
ရူးသွပ်မှုတဒင်္ဂချေမှာပင်
ခံစားယင်းအတွီးဝင်္ကဘာထဲ
လမ်းမဟုတ်မှန်းသိရက်နန့်
ဝင်္ကဘာထဲကိုယာ ဦးတည်ခ…..။

လန်းလာလိမ့်နိုး မျှော်ကိုးမိယင်း
ပွင့်မည့်ပန်းကို မညှိုးစီချင်
ဘ၀င်နန့်ရွှင်မြူး ကြေနူးစီချင့်
မြတ်နိုးမှုကိုတံဆာဆင် လိုအင်နန့်တေးဖွဲ့
ချစ်ခင်နှစ်လိုမှု အုံတုံ့တုံ့လှယ်
ကြည်စင်ကိုမိတ်ဖွဲ့ဆန္ဒနန့်တောင်းဆုပြု …..။

လိူင်း၏တံခိုးနန့် နိုးထစိတ်အာရုံ
မြူမှုံအုံ့ဆိုင်းပင်ကိုင်းထက်ဟိ
လင်းလက်မှုကိုမျှော်ယင်း ရှိတိုးရန်ဟန်ပြင်
လာလိမ့်နိုးနိုး ၀င်းထိန်နီရောင်ကိုတ
အရပ်ဒေသကိုတွက်ဆယင်း ခြီလှမ်းစ
နိမိတ်မဖတ်တတ်ရေ ဆောင်းလီကိုရာဆန့်ကျင်မိ…..။

SATOE 03092009

လမ်းခွဲထွက်မိခြင်း

ချိတ်ဆွဲထားခရေ လက်နှစ်ဖက်
မွှီးပြန့်သင်းကြိုင်နိန်ရေရနံ့တိနန့်အတူ
ရှူရှိုက်ခရရေလွမ်းမောစရာ
တခါက ရနံ့တစုံ…။

တုန်ယင်မှုဆန္ဒတိနန့်
ပျော်ရွှင်မှုတိကလှိုင်းရိပ်ပမာ
ခအိအိနန့် နိမ့်လိုက်မြင့်လိုက်
ခံစားမှုတိကမရေရာ…။

အဖြေရှာရန်ခက်ရတေ
လိုအင်ရမ္မက်နန့်ဆန္ဒတိကြား
အများသဘော ကိုယ်စားမပြုနိုင်ဘဲ
လွတ်လပ်မှုကိုရာ ရွီးခြယ်ခရေ…။

တချက်ချေ ဘ၀ကိုပစ်ပယ်
ဖြစ်ချင်စော်နန့်ဖြစ်သင့်စော်ကြား
နောက်ကြောင်းပြန်မလှည့်မိခြင်းအတွက်
ရှိဆက်ယင်းနောက်ဆံတင်းမိခ…။

နားလည်ထားခရေ
နပ်စာမပြည့်စိတ်ကူးချေတိနန့်
အားလုံးအတွက်ရည်ရွယ်ပနာ
အေလမ်းကိုခွဲ ထွက်မိခရေ…။

SATOE 28082009

ဗလာရင်ခွင်နန့်အလွမ်း

ရင်ခုံသံတိနန့် ရီးစပ်ထားခရေ
ရင်ထဲကခံစားချက်တိကိုဥပေက္ခာပြု
အ၀ီးဆုံးကိုဦးတည်လို့ကြောခိုင်းထွက်
လမ်းတ၀က် အရောက်မှာတွီဝီမိခရေ…။

အမှတ်တရဟိခရေ နိရက်ချေတိထဲက
ဆောင်းနှင်းပွင့်တိအကြွီမှာ
ရှူရှိက်မိခရေ သင်းပျံ့ပျံ့ရနံ့
ရုန်းထွက်ဖို့ခက်လိုက်တေပင်…။

နွီဦးမှာတွန်နိန်ရေ ဥသြသံကိုလည်း
ခံစား နားမလည်နိုင်ခ
ရော်ရွက်ဝါတိကိုမျက်ကွယ်ပြုပနာ
ရွက်နုချေတိနန့် အဖော်ပြုလို့ပျော်ရွှင်ဖူးခယင့်…။

အပူအပင်တိ အသျှိန်မရသိမ့်ရေ
ကာလတို အတွင်းကအဖြိုက်အပျက်
ညကအလားအောက်မိန့် နိန်စဉ်
ရွက်ဝါချေတရွက်က ရှိတည့်တည့်မှာမြီလာခရေ…။

ခိုလှုံသူမဟိရေ ဗလာရင်ခွင်ထဲက
နာမေမသိ လွမ်းဆွီးမှုတခုအဖြိုက်
ခံစားမှုတိကို ဆန္ဒနန့်အသိအမှတ်ပြုယင်း
ဆက်ရန်ဟိရေ နက်ဖြန်အတွက်ခြီလှမ်းဖို့ဗျာယ်…။
SATOE 23082009

ခရီး နန့် အားမာန်

ခရီးလွန်အိပ်မက်မဟုတ်
တဲကုတ်ချေ လီအဟတ်မှာ
လွင့်ထွက်ချင်ချင် အမိုးအကာတိအောက်…။

မိုးသီးပေါက်ချေတိကိုလိုက်ရွီယင်း
စွတ်နိန်ရေ ပထ၀ီမြီကြီးထက်
ကောက်ရိုးချေခင်းပနာ အိပ်ဖို့ကြိုးစားယင်း…။

ထင်ထားခရေ ခရီးကလည်းမလှပ
လွှဲချဖို့ အားယူ ဇာသူပင်မဟိ
အားမတန်လို့မာန်အချ လဲကျလခရေတချက်…။

အားယူယင်းပြန်ထ ဆန္နကိုပြန်နှိုးမိ
ညှိုးကျနိန် စိတ်ဓာတ်ကိုအားဖြည့်ကာ
ရိုင်းစပြုနိန်စိတ်ဓာတ်ကို အယိုင်သွင်းယင်း…။

ပေါ်လာမိရေမျှော်လင့်ချက်ချေတိကိုလိုက်ဖမ်း
ခရီးမပုပ် အောင်ဂရုစိုက်ယင်း
ဆန္နနန့်ခရီးဆက်ရန် စိတ်အားထက်သန်နိန်မိ…။

လင်းစပြုရောင်နီ အောက်ဝယ်
ပျောက်စပြုမိုးသီးပေါက်ချေတိကလည်း
နှုတ်ဆက်စကားပြောနိန်ရေအလားပင်…။

ညသဘ၀အမှောင် ကာလကိုခွာချပနာ
လင်းစပြုရောင်နီကို အဖော်ပြုယင်း
ခရီးဆက်ရန် အားမာန်ဝင့်မိ…။


SATOE 20082009

လွဲနိန်ခရေပစ်မှတ်

ပစ်မှတ်ကိုဦး တည်ပနာ
ချိုင်ထားရေ ရာဘာနှစ်ပင်ကြား
ဆွဲအားနန့်ဆောင့်လွှတ်လိုက်တေ…။

အဟုန်နန့်ရုန်းထွက်
ကမ္ဘာ့ဆွဲအားကိုဆန့်ကျင်
လိုရာသို့ခရီးနှင်ရရေ…။

စကေလောနိန်ရေ မှန်းဆချကကြောင့်
ပစ်မှတ်ကိုချန်
အသျှိန်လွန်ကာ မြီမှာခရရေ…။

အာရုံကိုစူးစိုက်
ခမိုက်မိုက်နန့် တခေါက်စမ်းပြန်ရေ
လိုချင်ရေဆန္နလွန်မိခလို့
ပစ်မှတ်ကိုမရောက်ခ…။

လွဲနိန်ရေ ပစ်မှတ်အတွက်
ဆန်းစစ်ပနာ အဖြေရှာဖို့
အတ္တကိုလိုတိုး ပိုလျှော့
လောဘကိုစကေ ရီရောပနာ
နောက်တခါ ထပ်စမ်းပြန်ရေ…။

ခပြင်းပြင်းနန့် ရုန်းထွက်လခရေ
ပုံမှန်အသျှိန်တိက
ကမ္ဘာ့ဆွဲအားကို သဟဇာတကျကျ
မျှဝီပီးနိုင်ခလို့
ရောက်လခရေ အေပစ်မှတ်ဆီသို့…။

SATOE 19082009

“ ဆရာ့စေတနာ”

အမြင်မရှင်းသိန်းရေ ဘုံလုံချေဘ၀ကို
အလင်းရောင်ပြင်းပြင်းအောက်မှာ…၊
ကြံ့ကြံ့ခံဟြှင်သန်နိုင်ဖို့၊
အမှောင်ခွင်းပနာ အလင်းဆောင်နိုင်ဖို့…။

လိုက်လျောညိန်ထွေဖြိုက်နိုင်အောင်…
ဆရာ့စေတနာနန့် တပည့်ရို့အနာဂတ်ကို၊
လမ်းညွှန်ပီးခရေ…၊

စာအုပ်ထဲက စာတိလည်း ဆရာ့စေတနာမပါကေ…
ရသကမပေါ်လွင် ၊ ဆိုလိုချက်တိကမထိရောက်…၊
ခယောက်ကျောင်းစိမ်းကနိန် ကျောင်းပြာစိမ်းဖြိုက်လာကေလည်း၊
ဆရာ့ရင်ထဲက စေတနာအလှတရားတိနန့်…
တပည့်ရို့ဘ၀ကို တန်ဆာဆင်နိုင်ခရေ…။

စေတနာ ၊ အနစ်နာ ၊ ၀ါသနာ ဆိုပနာ…
ဆရာရင်းနှီးမျှဝီပီးခရေ ရင်ထဲကပညာနန့်…၊
အရာရာကိုရင်ဆိုင်တတ်အောင်လို့သင်ပီးခရေလောကပါလတရား…၊
မမိန့်နိုင်ရေ အရာတိထဲမှာ ဆရာစေတနာကထိပ်ဆုံးမှာ…။

ပညာရည်သောက်တောင်စုံပေါက်လို့ခရီးဆန့်နိန်ရင်း
ဆရာပီးခရေ သင်ခန်းစာတိအခုအချိန်ထိအကျိုးဟိနိန်စော်ပင်…။

ကျေးဇူးရှင်ဆရာများအားကန်တော့လျက်…..
လေးစားစွာနန့်
SATOE 31072009

“ မိုးနန့်လီ ဆင် ရီပြင်ထက်ကခရီး…”

စိမ့်မှိုင်းနိန် မိုးရိပ်များနန့်
ရက်စက်မှုခက်ထန်နိန်ရေ
မုန်သုန်လီရူးအောက်…။

တရိပ်ရိပ်နောင့် လွှမ်းလာနိန်ရေ
ရီလှိုင်းတိက ကန်းသင်းကိုဖုံး
ကားလမ်းဘောင်ကျော်ပနာ
မကြာခင်ကားလမ်းတခုလုံး
ရီစီးကြောင်းအတိုင်းယာ…။

သဘာဝလက်ဆောင်ကိုနာခံပနာ
စိန်ခေါ်မှုတိကို အန်တုယင်း
ခရီးဆက်နိန်ကပ်ရေ
ပညာသင်ခရီးသယ် ကျောင်းသားချေတစု…။

ကျောင်းလွယ်အိတ် တနင့်တပိုးချေကို
ဇက်ပုအောင်ထမ်းပနာ
အနာဂတ်အတွက် ခရီးဆက်ယင်း
မိုးနန့်လီလိုက်နိန်ရေ
ကွင်းပြင်ချေထဲမှာ…။

တခါတလီ ရီမြွိန်၊ကင်းကောင်တိက
ရီးစီးကြောင်းနန့်အတူပါလာယင့်၊
ကျောင်းသူမချေတိ ကကြောက်ရေခါ
ကျောင်းသားချေတိ ၀ိုင်းကူပနာ
အုပ်စုလိုက်ချီတက်န်ိန်ကပ်ရေ
ပညာပင်ရင်း ကျောင်းခြံဝင်းထဲကို…။

ရီစီးကသန် ၊ လီကထန်လို့
တချို့လည်းထီးလွင့်လခရေ၊
တတ်နိုင်ရေပိုင် ကူညီပီးကပ်စော်ပင်
နောက်ဆုံးမှာတော့ရောက်ခပါယင့်
ပညာစခန်း စာသင်ခန်းထဲ…။

စတိုး ( ၆၊၈၊၂၀၀၉ )

ဂုဏ်သတ္တိ

အမွီ မရလိုက်တေ
ပဉ္စလက်ခဆန်ဆန်အနာဂတ်ဘ၀
အလှတရားတခုကိုပင်
ဖွဲ့နွဲ့သီကုံး လို့မရ…။

ရှိအဆက်ဆက်ကဟိခရေ
ယိုင်ကျေးမှုအရှိန်အ၀ါတိလည်း
လက်ဆင့်ကမ်းမှုတိပျောက်ပနာ
တသီးတခြားဖြစ်စီခရေ…။

တွီးခေါ်ကြံဆမှုတိနန့် တည်ဆောက်ခပ်ကရေ
မြင့်မြတ်သောအယူအဆတိလည်း
လမ်းပြမဟိရေပိုင်
ထွန်းလင်းတောက်ပြောင်ခွင့်မဟိ…။

ရဟိပိုင်ဆိုင်ခရေ တီထွင်မှုတိကို
ရယူအခြီခံဖို့ မှတ်တမ်းမှတ်ရာ
မဟိစော်က ခြီတလှမ်းနောက်ကျစီရေ…။

ရီမြိန်ဒေသ ကျကျဉ်းချေကိုကပင်
လိုက်လျောညီထွေ နားလည်နိုင်ဖို့
ခရီးလားမှတ်တမ်းချေ မတင်နိုင်ခ…။

ခံစားမှုတိ စီးဆင်းလာရေ
နှလုံးသားပုံရိပ်ကို ထုတ်ဖော်ပြဖို့
ဘာသာစကားအငှါး မသုံးချင်ဘဲ
လိုက်နာကျင့်သုံးနိန်ရရေ…။

လက်ချောင်းတိမညီမျှမှုကိုဝန်ခံယင်း
လက်သီးတလုံး၏ပြင်းအားကို
ဝေဖန်ဖို့ အနုပညာဆန်ဆန်
ဟြိအဆက်ဆက်က
အစိုင်အလာကိုလေ့လာချင်မိရေ…။

ပြောင်းလဲမှုတိအောက်မှာ
ထိန်းသိမ်းမှုနန့် တီထွင်မှုကို
သဟဇာတကျကျ မှတ်တမ်းတင်နိုင်ဖို့
ဂုဏ်သတ္တိတစ်ခု…။
SATOE 09082009

ရီစီးကြောင်း…

ခံစားမှုတဖက်အလွန်က
စီးဆင်းလားခရေ ရီစီးကြောင်းတခု
မြိန်ဆီမြိန်နှစ်တိကိုလည်း
ဆောင်ယူလီခရေ…။

အဆုံးသတ်မရတေ စီးဆင်းမှုအရှိန်နောင့်
တိုက်စားမှုခံရရေ ကန်းထောင်းချေတိငိုကြွီးသံ
လူမမြင်နိုင်ကေပင် မဟိမပြောလီကေ့
ဝေဒနာဆိုစော် နိန်ရာနန့်အလိုက်ခံစားရစမြဲရာ…။

စီးဆင်းမှုဆိုစော် မြင့်ရာမှနိမ့်ရာသို့လားခြင်းရာ
နိယာမကိုမသိကေ လှိုင်းတက်လာစော်ကအစပြသာနာ
ပင်ပန်းမှုတိနန့်အိပ်မောကျနိန်စော်ကိုမှ
အိပ်ကွန်ဆောင်ရေလို့မမှတ်စီချင်…။

စီးဆင်းမှု နန့် တိုက်စားမှုကြားက
ရလဒ်ကို ရီစီးကြောင်းမသိ
ကမ်းထောင်းချေတိက ရီစီးကြောင်းအောက်မှာ
ရီစီးကြောင်းကတော့စီးမြဲရာ…။


SATOE 04082009

“ ကြွီ…”

တုန်ယင်နိန်ရေ
ရင်ထဲကအုံပုန်းခံစားချက်တိကို
မင်းမမြင်နိုင်ခစွာ
ကြွီကွဲရရေ…။

ရယူပိုင်ဆိုင်လိုစိတ် နန့် လောဘကို
ဟြိတန်းတင်ပနာ တိုက်ပွဲဝင်ခစော်က
အတ္တ ဂျည်း(ချည်း) သက်သက်မဟုတ်ယေ
စစ်မှန်ရေမေတ္တာတရားကို
သက်သီမပြနိုင်ခစွာ ကတော့
ငါ့အတွက်ကြွီကွဲစရာ…။

မာယာမဟိရေ
အဖြူထည်သက်သက်
ခံစားချက်နောင့်
ရင်ဖွင့်ပခစော်ကိုမှ
မင်းက ရိုင်းတေထင်လခလို့
အမှန်ကြွီကွဲဖို့ ကျရေ…။

ယုံကြည်မှု နှစ်ခုကြား
မျိုင်းဖြောင့်တကြောင်းကိုမှ
ဖြောင့်အောင်မဆွဲနိုင်ခရေလူ
ရယူခြင်းဆိုရေ လောဘ နန့်
ပီးဆပ်ခြင်းဆိုရေ သဘောထားကြီးမှုတိအောက်မှာ
အချိန်တိုင်းမဟုတ်ကေတောင်
အချိန်ပိုင်းချေတိမှာ လွမ်းခြင်းတိနောင့်
ကြွီနိန်ပါဗျယ်…။

SATOE 02072009

“ အနှိုင်းမဟိ…”

ကိုးလလွယ် ဆယ်လမွီးပနာ
ရင်မှာဖြိုက်တည်လာခရေ
မေတ္တာအဟုန် နန့်
သွီးကိုတောင် နို့ရည်ပြောင်းစီခရေ…။

သားချေသမီးချေ မွီးဖွားလာပြန်ကေ
ကိုယ်ပိုင် ဘ၀တနားချေဖျောက်ယင်း
အေသူရို့ချေ တိအတွက် အစာအဟာရကိုပင် ငဲ့ပနာ
ရင်နှစ်သည်းချာ ရတနာအလား
ပြုစုခရေ ကျေးဇူးရှင်…။

အီးမြရီကြည် တစ်ပေါက်စီက
စီးဆင်းနိန်ရေ အမိမေတ္တာ
ယင်းသည်ငှာကို
တုနှိုင်းစရာ မဟိအမှန်…။

ကဗျာနန့် တိုင်း
စာဖွဲ့နှိုင်းလည်း
အမိကျေးဇူး ဂုဏ်အင်ထူးကို
ပီပြင်မှုတိက မပြည့်စုံနိုင်…။

လူ့လောကဘောင် ၀င်ဆန့်နိုင်အောင်
ပညာရပ်တိကို လေ့လာဖို့
လမ်းညျွှန်ပြရင်း ဆုံးမသြ၀ါလည်းပီးခယင့်…။

အနားချေသတ် ဘောင်ချေကွပ်ပနာ
အေသားအေသမီး ကြီးပွားပါစီကြောင်း
နိန်ရာအားလုံးမှာ အဖြည့်ခံတရားသည်ပင်
အမိလက်ကိုင်တရား…။

မိသားစုဆိုရေ ဘ၀ချေကို
မွန်းမံပြုစု ထိန်းသိမ်းမှုတိနန့်
အမိအလှဆင်နိုင်ခရေ…။

အရွယ်ဇာတာ ကျလာချိန်မှာ
ရင့်အိုမျက်နှာ ကိုင်းခန္ဓာနောင့်
ဝီးနိန်ကင်းကွာ ယင်းသူငါနန့်
အပါးဟိရေအေသူချေရို့ မခွဲခြားဘဲ
လွမ်းခြင်းဂုဏ်အင် ၊ ချစ်ယင်းနောင့်ပင်
အနှိုင်းမဟိ အမိမေတ္တာ…။


SATOE 31072009

“ ဆောင်းတွင်းမိုးသောက်ဖက်ကုန်သည်”

ဝေလီဝေလင်း အာရုံမတက်ခင်
ဆောင်နှင်းဖြူဖုံးထားရေ ကွင်းတဘက်က
လှုပ်ရှားနိန် စိကေမှိန်မှိန်ချေပုံရိပ်တခု…။

ချမ်းအီးမှုတိကို အန်တုပနာ
စွတ်စွတ်စိုနိန်ရေ နှင်းတောမြက်ခင်းထဲမှာ
တယောက်စာလမ်း ကျကျိုင်းချေထဲ
ချွှေးပြန်နိန်ရေ တမိသားစုစာ ၀န်တထမ်းနန့်
ခရီးဆက်နိန်ရေ လူသားတယောက်…။

လယ်ကွင်းတိကိုဖြတ် ၊ တောင်ကုန်းတိကိုကျော်ရင်း
နောက်ဆုံးတခါ ကွင်းပြင်တခုကိုဖြတ်လာနိန်ရေ
အဟြှိဘက်တောင်ကုန်းထိပ်က ထွက်စပြုနီရောင်အောက်မှာ
လျှောက်လှမ်းနိန်ရေ အားမာန်အပြည့်နန့်…။

ဆောင်းနှင်းပွင့်တိကြွီနိန်ရေ နီရောင်ခြည်အကျမှာ
လင်းထိန်စပြုလာရေ အလင်းရောင်ချေနန့်အတူ
ဇရွက်အော်သံ ၊ ခြိုးကူသံတိနန့် လှပနိန်ရေ
မိုးထစောစော သဘာဝကို ထပ်ဆင့်ခြယ်သနိန်ရေ
ဆောင်းတွင်းမိုးသောက်ဖက်ကုန်သည်တယောက်…။

SATOE 24072009

ညအာကာ…

ညောင်းညာနိန်ရေ စိကေစဆွီးစပြု…
ဒဏ်ရာချေတိနန့်၊
အမှုမဲ့ အမှတ်မဲ့…
ရပ်ပနာငေးရင်း…၊
လရောင်ဖဖျော့နန့် ညအာကာကိုလှမ်းမြင်မိ …။

မွန်းကြပ်နိန်ရေ ခံစားမှုကို…
မသိကွန်ဆောင်ပနာ၊
ရှူသွင်းလိုက်မိရေ…
လီလှိုင်းထဲဟိ အောက်ဆီဂျင်တိက…၊
ညှိုးနွမ်းစပြု စိတ်ဓာတ်အားအင်ကို…
လမ်းဆန်းစီခရေတချက်ချေအမှန်…။

စည်းမခပ်ထား ၊ ဘောင်မဟိရေ…
အာကာပြင်ထက်မှာ နာမေမသိ၊
ခေါင်းစိုင်တပ်မရရေ ခံစားမှုတခု…
လွင့်မျောနိန် မိုးရိပ်လောက်လည်း…၊
စိတ်ကူးတိက လွတ်လပ်၊ပေါ့ပါးမနိန်…။

ယပိုင်ချောင် အာကာမျှော်ရင်း…
အိမ်လွမ်းရင်းနန့်…၊
နောက်နိန့်အတွက် အားသစ်မွီးပနာ…
တိန်းစပြု ညဉ့်ချေကို နှုတ်ဆက်ရင်း………….။

SATOE 16072009

“သူငယ်ချင်း ယောက်ဖချေသို့…”

အဝေ ယောက်ဖချေ…။
မတ်(မင်း)နိန်ကောင်း ပါမလား (ယင့်)…၊
ရပ်ရွာဒေသနန့်ဝီးကွာနိန်စွာ…၊
ကောင်းကောင်းကြာလခယာ(လားဗျာယ်)…။
အငယ်ချေခါ ကစပ်ခတေ…
ရွာပြင်ကဘောလုံးကွင်းလည်းငါ လွမ်းရေ…၊
မိုးရာသီ ဖုန်းကြီးကျောင်းခြံ ထဲမှာ
ဘောလုံးကျောက်ကတ်လို. ဆရာတော် လက်စာမိခစွာလည်း…၊
ငါသတိရနိန် တုန်းရာဝေ…။
ဘောလုံးကျောက်လို့နိုင်ကေ…
အမှတ်တရနန့် ပွဲစည်ခရေ…၊
ရွာထဲက ဥာဏ်ရည်ဝိုင်း…၊
ပူပူလောင်လောင်နန့် ချက်စားခကပ်တေ…၊
ကြက်သားဟင်းနန့် ထမင်းဝိုင်း…၊
အားလုံးကို အမှတ်တရနန့်ရာဝေ…။
လူပျိုပေါက်စရွာလည်မတတ်လို့…
မတ်(မင်း)ပီးခရေ သင်ခန်းစာထဲမှာ…၊
ဥာဏ်ရည်က ရဲဆီး…၊
အေပိုင်စိတ်ကူးကောင်းရေ မတ်(မင်း) ကို…၊
သတိတရနန့် ကျေးဇူးပါဝေ ယောက်ဖချေ…။
မတ်(မင်း) နန့်ငါ အငယ်ချေခါ…
ငြင်းခကပ်ရေ ရခိုင်သမိုင်းက ၀ထုထဲမှာ…၊
ငရို့မိဘတိမပြောဖြစ်ခကေလည်း…၊
သိချင်စိတ်နန့် ရှာဖွီလေ့လာကေ…၊
သမိုင်းအမှန်ကို ငါ ရို့သိနိုင်ရေ…။
“လိုရာသူလိုရာပိုင် ပြောပြော ဇာသူဇာပိုင် ပြောပြော”
ဆိုရေပိုင် တောင်နန့်မြောက်၊
အဟြိနန့်အနောက်၊ အထက်နန့်အောက် ဆိုစွာ၊
ရှင်းလင်းချက်လမ်းညွှန် တခုရာ ဖြိုက်တေ…၊
ငါရို့တိအားလုံး ညိန်အကိုတိရာ…။
ညောင်တပြင်ထောင်းခေါ်ရေ တောင်ဖက်ထောင်နန့်
မြောက်ဖက်ထောင်း ဘောလုံးကျောက်လို့
ရန်ဖြိုက် ကပ် ကေလည်း xxx၊
အပျို၊လူပျိုစုကေ ငါရို့ကတစုတည်းရာ…၊
ရွာလည်ထွက်ကေလည်း ငါရို့ကလိုင်ဖက်ပနာရာ ဝေ…။
ဇာပိုင်ဖြိုက်ဖြိုက် မတ်(မင်း) ရာငါ့အကြောင်းသိရေ
ငါရို့ရီမြိန် ဒေသ နန့်ပတ်သက်ရေ…၊
သမိုင်းရာဇ၀င်တိကို မတ်(မင်း) နန့်ပေါင်းပနာ
ဆွေးနွီး တိုင်ပင်ခံစားမှုကရာ…၊
ငါရို့အမျိုးဂုဏ် ကိုမြှင့်တင်ပီးနိုင်ကောင်းရေ…။
ဒေသထွက်အရက်ကို အများကြီးမသောက် ကဲ့ပြောကေ…၊
ဘီယာလည်းအရက်ရာလို့မတ်(မင်း) ကာလီတတ်တေ…။
ငါရို့နှစ်ယောက်အတူတူယာဝေ ယောက်ဖချေ…၊
မတ်(မင်း)အဖ ဘေးဘေပြောစွာရီစရာပိုင်နန့်စိုင်းစားဖို့ကောင်းရေ၊
“အဝေမောင်စိကေမတ်(မင်း)အရွယ်ရောက်လို့အရက်သောက်စွာ ငါမပြော ယေဒါလည်းငါ့အိမ်ထက်မှာတော့ပုလင်းမထောင်ကေ့ဝေ”
ယင်းအတွက်နန့်မတ်(မင်း)နန့် ငါအရက်ကျမ်းကို…
စည်းကမ်းထုတ်ဖို့လုပ်ကပ်ခရေ…။
“ဘာဘာသောက်ရေ အရက်ထက်
မေမေမျက်ရည် ပိုများရေ …” ပြောလခရေ
ညိန်ချေတယောက်ကို မတ်(မင်း)နန့်ငါအကြံပီးခစွာလည်း…
ငါအကယောင်းအမှတ်တရနန့်ပါ…၊
အဟောင်းကိုမွန်းမံ ပနာအသစ်ပြင်ဆင်စွာ…
ယိုင်ကျေးမှုကိုထိန်းသိမ်းရာရောက်ဖို့ထင်ရေဝေ…။
အဝေယောက်ဖချေ…
အေနိန့်ချိန်ခါမတ်(မင်း)ကလည်း… ရွာကထွက်ပီးကေတာဝန်ထမ်းဆောင်…၊
ငါကလည်းလမ်းခွဲထွက်ပီးအလုပ်လုပ်နိန်ချိန်မှာ…
ငါရို့ရွာအရင်ကပိုင် စီစီကားကားနန့်…၊
ပျော်စရာကောင်းနိုင်ပါစီ…။
နွိန်ရာသီကျောင်းပိတ်ရက်မှာမတ်(မင်း)ရွာရောက်လို့…
အခွင့်ကြုံကေမတ်သိထားရေ အသိပညာနန့်
ရပ်ရွာဒေသအလှအပကို ထိန်းသိမ်းနိုင်ဖို့…
ကိုယ့်လူမျိုး ၊ ကိုယ့်စာပီ ၊ ကိုယ့်ယိုင်ကျေးမှုကို…၊
အိပ်မက်ဆန်ဆန် ၊ ၀ထုအလားတွီးတောနိန်ကပ်တေ…
ညိန် ၊ ညိန်မချေ ရို့ကို အလင်းရောင်ပီးနိုင်ဖို့ကြိုးစားပီးပါဝေ…။

SATOE 07072009

“မှုန်ဝါးဝါး လမ်းစ”

ဘ၀ဆိုရေ စာချေတစု
အငယ်ချေကပင် စာစီကုံးလာစွာ
ခုထက်ထိနိဒါန်း ကမလုံလောက်သိန်း(သီး)…။

လိုချင်စွာက ကကောင်းများများ
အမှားတိကလည်း တပုံတပင်
ဘ၀င်က မိုးမက…။

ဝေဖန်မှုတိအောက်မှာ
လိုင်စင်းခံလိုက်
ထိုးနှက်ချက်တိနန့်
လုံးထွီးပြိုလဲလိုက်
မြှောက်ပင့်မှု မာယာအောက်မှာ
တချက်ချေပျော်ရွှင်မှုကို ခံစားလိုက်နန့်…။

အငယ်ချေခါက
စုံလင်ရေ ရောင်စုံခံစားမှုတိက
အဂုအချိန်မှာ
အလင်းရောင်မပီးနိုင်သိန်း(သီး) စွာအမှန်…။

SATOE 29062009

“လမ်းတခု”

ယိုင်ယိုင်ကျေးကျေးနိန်ဝေ ဟွေသူချေ…
ဘာဘာကသွန်သင်ရေ…၊
ပညာတတ်မှ လူရာမြောက်ရေမောင်ချေ…၊
မေမေက ဆုံးမရေ…၊
သွန်သင်မှုဆုံးမမှုတိကြားမှာ…
လိုက်နာလိုက် ၀ီးကွာလိုက်နန့်…၊
စည်းကမ်းဘောင် ကျကျဉ်းချေထဲမှာ…
ပညာကိုစတင် မိတ်ဆက်ခရရေ…။

ကျောင်းဗြီးရင်း လေ့လာခရရေ…
ဇီးပင်အောက်ကသင်ခန်းစာလည်း မကြေ…၊
ဆန့်ကျင်ဘက်အရပ်က …
ရုပ်ရှင်ဒသနကလည်း မပီဝိုးတ၀ါး…။

ရွီးခြယ်ထားခရေ အလှတရားတိနန့်…
ကဗျာဖွဲ့ပြီးကာရန်စပ်…၊
ပုံမှန်မဟုတ်ရေအိပ်မက်နန့်…
လန့်နိုးလားခရေ ဇာတ်ဝင်ခန်း…။

ဂဂျီဂဂျောင် အတွီးဖောင် နန့်…
တဘက်ကမ်း အရောက်ကူးဖို့ကြိုးစားခရေ…၊
အလှအပတိ လှည့်စားမှုအောက်မှာ…
ခံစားအိပ်မောကျခပေါင်းလည်းမနည်း…။

စိုင်းစားလို့ခေါင်းချောင်…
ဂတုန်းပြောင်အစ ဆံပင်ဒသန…၊
မဆိတ်မွှေး ဆွဲရင်း…
ဆံပင်မြိတ် လား နှုတ်ခန်းမွှေး မြိတ်လား..၊
စိုင်းစားခပေါင်း မနည်း…။

အဆုံးသတ်မရတေ…
အတွီးစချေတိနန့်…၊
အအိပ်ပျက်ခံပနာ…
ပွဲကြည့်ကေ မောင်ချေမှာ…၊
တရက်စာအလုပ်ပျက် လိမ့်မယ် ဆိုရေ…
အရီးချေ ပြောစကား…။

ယင်းပိုင်နန့်လည်ပါလာခရေစွာ…
အခုတောခါ လမ်းတခုမှာလျှောက်နိန်ပါယင့်…။

SATOE 19062009

“ရောင်နီ ကိုမျှော်လင့်ရင်း”

အမှတ်မထင် ရိုက် ခတ်လားခရေ…
လီပွီရိုင်း တချက်အောက် မှာ၊
မျှော်လင့် ခြင်း ပန်း တစ် ပွင့်…
နွမ်း ကြွီ လား ခရရေ…။

ဖြူ စင်ရေ ငါ့နှလုံးသား ကို…
မင်းအတွက် ခံစား ချက် ချေတိ နန့်၊
ရောင်စုံဖန်တီး ဖို့ ကြိုးစား ဖူးခရေ…။

ရောင်စုံခံစား ချက်တိ အောက်မှာ…
ဖူးပွင့် လခရေ င့ါ နှလုံးသား၊
မာနတရားရဲ့ အောက်မှာ…
ယုံကြည်မှု တိ ကို တစစီဖြိုက်လား စီခရေ…။

နားလည်မှု လွဲမှားခြင်းနောက်ကွယ်က…
ငါပိုင်ဆိုင်လိုက်ရရေ ၀ီးလွင့်ခြင်းအိပ်မက်၊
ဝေဒနာထိုးနှက်ချက်တိ အောက်က…
လွတ်မြောက်နိုင်ဖို့အကြိမ်ကြိမ်ရုန်း ထွက်ခရရေ…။

တွေဝေမှုပျော့ ညံ့မှုဆိုရေ…
ဒသနချေတိ နဲ့ခံစားမှု ကိုဖွဲ့စီး၊
အီးချမ်းရေ ဒီဇင်ဘာလဆောင်းတညမှာ…
ပုဆိုးခြုံပြီး ချွှေး ပြန်ခရရေ…။

အချိန်ကာလနန့် အရွယ်ဘ၀ ကိုဖြတ်သန်းလာရေခါ…
မင်းကအောင် နိုင်သူဖြိုက်နိုင်ပါစီ၊
နာကျင်မှုဆိုရေတဘက်သတ်ကောက်ချက်ချမှုနန်. …
ငါစွဲချက်တင်ခံခရရေ…။

လိုအပ်ချက်နန့် ပီးဆပ်မှု ကြားမှာ …
နားလည်မှုကိုတည်ဆောက်နိုင်ရေ တနိန့်၊
ငါမျှော်လင့် မိခရေရောင်နီလင်းတန်းချေ…။

SATOE 16062009

အိမ်မက်

ရီးချင်ရေကဗျာတစ် ပုဒ်…
ရင်ထဲမှာ ခံစားချက် တိကဗရ ဗွ၊
ကာရန်ဆိုစွာက လည်း တောင် စိုင်ရီမရ…
ယင်းအတွက် နဲ့ အတွီး ကို ဇက်ကုန် လွှတ် ပနာ…
ညမအိပ် စိုင်းစား ပလိုက် မယ်၊
အော် ကဗျာ …ကဗျာ…။
လာချင်ရေခါရောက် လာရေ…
ဇာခါထွက်လားခစွာ အမှန်ပင်မသိ၊
နပ်စာမပြည့်ရေ အတွီးစချေ တိ နဲ့…
အေပိုင်မိုး လင်းလား ခရေ ညပေါင်းလည်း၊
မ ရီ တွက် နိုင်…။
ဘ၀ဆိုရေ တနားချေ ကိုဇာလောက် ပင်
ရုန်းကန်နိန် ရကေလည်း…
နိန်ဝင် ပြီးကေ မိုး ချုပ် လား ခစွာရာ။
လူး လွန့်လှုပ် ရှား ငါ့အိမ်မက် ကား
မနိုး တ၀က် နိုး တပြက်နန့်…
မိုးမသောက် ခင် တချက် ချေ…။

SATOE 12062009