စိမ့်မှိုင်းနိန် မိုးရိပ်များနန့်
ရက်စက်မှုခက်ထန်နိန်ရေ
မုန်သုန်လီရူးအောက်…။
တရိပ်ရိပ်နောင့် လွှမ်းလာနိန်ရေ
ရီလှိုင်းတိက ကန်းသင်းကိုဖုံး
ကားလမ်းဘောင်ကျော်ပနာ
မကြာခင်ကားလမ်းတခုလုံး
ရီစီးကြောင်းအတိုင်းယာ…။
သဘာဝလက်ဆောင်ကိုနာခံပနာ
စိန်ခေါ်မှုတိကို အန်တုယင်း
ခရီးဆက်နိန်ကပ်ရေ
ပညာသင်ခရီးသယ် ကျောင်းသားချေတစု…။
ကျောင်းလွယ်အိတ် တနင့်တပိုးချေကို
ဇက်ပုအောင်ထမ်းပနာ
အနာဂတ်အတွက် ခရီးဆက်ယင်း
မိုးနန့်လီလိုက်နိန်ရေ
ကွင်းပြင်ချေထဲမှာ…။
တခါတလီ ရီမြွိန်၊ကင်းကောင်တိက
ရီးစီးကြောင်းနန့်အတူပါလာယင့်၊
ကျောင်းသူမချေတိ ကကြောက်ရေခါ
ကျောင်းသားချေတိ ၀ိုင်းကူပနာ
အုပ်စုလိုက်ချီတက်န်ိန်ကပ်ရေ
ပညာပင်ရင်း ကျောင်းခြံဝင်းထဲကို…။
ရီစီးကသန် ၊ လီကထန်လို့
တချို့လည်းထီးလွင့်လခရေ၊
တတ်နိုင်ရေပိုင် ကူညီပီးကပ်စော်ပင်
နောက်ဆုံးမှာတော့ရောက်ခပါယင့်
ပညာစခန်း စာသင်ခန်းထဲ…။
စတိုး ( ၆၊၈၊၂၀၀၉ )
Subscribe to:
Post Comments (Atom)
No comments:
Post a Comment